مدونــة السـياف الادبية

أنا: وأنت أبوي شوه بتسوي !؟ 

أبوي: بحلف على الحكومة أنها تعدمه ولا بسامح أي واحد يأخذ جزاه 

أبوي: بس ياعيالي أنا ربيتكم على الصدق والأمانه وحب الشرف والعرض والأرض ، وهذي الأمور محد يفكر بها 

أنا: أمي أبوي 

أمي:لبيه 

أبوي: ها أبويه 

أنا: أنا أبغي اصارحكم 

أبوي: في شوه ؟؟ 

 

أمي: عن السوالف عاد 

أنا: صدق والله ما أسولف عندي شيء هب قادر أقوله من زمان أبوي : قول أبويه شوه فيك 

أنا: ناصر مسجون 

أمي: شؤووووووووووووه مسجووؤون ياويلي ليش 

أبوي: عوذبلله من الشر كيف من زمان وهو أمس عندنا شوه تقول إنته !! 

أنا: لا أقصد اني أبا اصارحكم بشيء يسويه ناصر من زمان وأمس انسجن عليه 

أبوي: يتعاطئ مخدراااااات !؟؟؟ 

أمي: لا بسم الله عليه 

أنا: لا اقوي من المخدرات ، يسعى لإسقاط نظام الدولة 

أمي : شؤوووووووووووووووووووه لا ياعمر 

أبوي: من صدقك إنته وإلا شوه 

أنا: والله أتكلم صدق 

أبوي: شوه تقول إنته شوه تخربط ناصر يسقط النظام 

أمي: ( تصيح) ياويلي ياناصر والله كنت حاسه فيه شيء 

أنا: هذي الحقيقة والريال سلوكه تغيرت وولائه ضعف للحكام بسبب شيء تافه وهي الكلية لقى ناس في امريكا خربوا تفكيره 

أبوي: إن لله وان اليه راجعون لاحول ولاقوة إلا بالله 

أمي: ( تصيح) ياويلي ياناصر ، شوه بيسون به بيعدمونه أكيد أأااه ( تبكي) 

أنا: ( العبره خنقتني) 

أنا: لا شوه ينعدم يا أمي هب منيه والطريق الإعدام 

أبوي: حسبي الله ونعم الوكيل ، ( قام من مكانه يزقر فاطمه) 

فاطمة : ماتجأوب 

أنا: أبوي وين ساير 

أبوي: بسير أكلم الشيخ إشوف حل لهالمصيبه حسبي الله ونعم الوكيل 

أنا: لالالا أبويه إنته بروحك تعبان ماتقدر على ضرب الخطوط الأمور بسيطه بتنحل 

أمي: ومنوه بيحلها خلاص آخوك طاح في أيدهم وهذيلا مايرحمون 

أنا: أمي الله يهديج كيف مايرحمون بعد ترى تيبون كلام مادري من وين يايبينه 

أبوي: كيف بتنحل 

أمي: يقولون يقعدونه على كرسي كهربئي ويكهربونهم ( أأاه تصيح) 

أنا: لاحول ولاقوة إلا بالله والله العظيم كذب كذب مايسون جيه وحكومتنا هب ظالمه ولا اللي فيها ظلام يا أمي 

أنا: بقولكم القصه كامله وبخبركم كيف بتنحل 



شرحت لهم جميع المواقف دون إن أبين لهم بأني أعمل في جهاز الأمن ، وسألني والدي عدة أسئله بخصوص نجاح علاجه وتعاونه من عدمه ، فقلت له بأن الوقت لم يحن لمعرفة مدى تعاون ناصر مع الأجهزة الأمنيه إلا أني أعلم جيدا بأن ناصر يتمتع بكافة حقوقه كباقي المتهمين وأيضا يتمتع بالمعاملة اللطيفه التي قد لا يتمتع بها باقي المتهمين 



أبوي: وليش ياعمر مأكلمتني من قبل وأنا حاس أنه ناصر فيه شيء كل مره يطلب فلوس ادعي الله أن مايكون يتعاطئ مخدرات ويوم قالي بعرس فرحت لكن زواجه من الأجنبيه هو اللي ضايقني 

أنا: أبويه هالمسالة لإزم تكون سريه لآخر شيء 

أمي: متأكد ياعمر آخوك بخير ؟ دخيلك لا تتخلى عنه 

أبوي: وعمر مسكين شوه في أيده ضابط كلاب بوليسيه وهذيلا مجالهم في الأمن 

أنا: ربعي وأيدين يا أبويه وان شاءالله مابقصر معاه لا تحأتي 

أبوي: أأاه حسبي الله ونعم الوكيل 

أنا: قبل شويه قلتوا أنه لو حد من عيالكم بيزعزع الأمن ويسقط النظام بتذبحونه !! 

أبوي : ( منزل رأسه وساكت )

أمي: صح لكن ناصر ماسوى شيء 

أنا: صح أمي لكن ناصر سعى في هذه الشيء وعنده أدلة تدين المتورطين أكيد

أمي: ولو ماطلعوه 

أنا: بيطلعونه أمي لا تحاتين ، بس الحكومة تبأكم توقفون في صفها عشان ناصر يتعالج شوه الفائدة إذا الحكومة تعالج والناس يخربون عيالهم 

أمي: ياويلي نحن متى خربناه 

أنا: ماقصد أنتوا أو نحن يعني أقصد لإزم نحسسه أننا كلنا خليفه مهما صار 

أبوي: يشهد الله كلنا خليفه وكلنا إل نهيان والشيوخ كلهم 

أمي: يا عمر ناصر هب أغلى من الدولة 

أنا: رحم الله والديكم ، إلحينه اللي أباه أنكم ماتكدرون خواطركم وتكونون أقوى من كل شيء 

انا: ناصر أن شاءالله بيتعالج وبيعرف أنه الدولة دولته 



كانت ردت فعل والدي والدتي غير متوقعه ! ، كنت أظن بأن والدتي ستبكي أكثر ولن تتفهم الموقف، ولكن ولله الحمد حب الوطن والأرض يعلوا كل شيء . 



كان ناصر في هذه الوقت يخضع لجلسات تدعى تهيئة جوفيه ، يخضع لأشاعات واتهامات غير صحيحه حتى يتم استفزازه ومعرفة مدى قدرة صبره وتحمله ، ومن ضمن تلك الأشاعات قال له أحد الضباط :- 



الضابط : ها ناصر تبئ تسقطون النظام !! تحرضون الناس على الفساد 

ناصر: أنا !! ماطلبت والنظام بالحق لإزم يسقط 

الضابط: ههههه في المشمش ! تعرف هذه المثل 

ناصر: أنا أريد أعرف ليش أنا هنينه ! 

الضابط : انت هنينه لأنك تريد تسقط النظام !! ماتعرف أونك ( فجأة الضباط خلا نفسه يتكلم في التلفون ) 

الضابط : هلا .. إهااا .. إممم .. زين فروها انفرادي لين ما اخلص من ولدها .. 

ناصر: شؤووووووووووووه 

الضابط : جب ولا كلمه 

ناصر: إنته تقصد أمييي ؟؟ 

الضابط: قلت لك لم ثمك لو خايف على امك ماكنت سويت سواد هالويه كله 

ناصر : ( يبكي) أمي مالها خص شوه بتسون فيها مالها خص مالها خص 

الضابط: امك ماعرفت تربيك ، بنحقق معاها وإذا اكتشفنا أنها متستر على شيء بنسجنها معاك 

ناصر: تتستر على شوه أمي حرررررمه كبيره حرام عليكم ليش تأذونها 

الضابط: ناصر إنته أذيت أمي 

ناصر: شوه دراني بإمك عشان أاذيها 

الضابط : أمي هي الإمارات 

ناصر: أرجوك خل أمي في حالها 

الضابط: ليش ماخليتوا أمي في حالها !! 



نهض الضابط وترك ناصر يصرخ بمفرده ، ثم عاد ليقول له بأن أمه سقطت مغشا عليها وينتظرون حضور الدكتور ربما سيتاخر 4 ساعات ! جن جنون ناصر ، فقد أعصابه وضل يبكي بدون درايه ، الى أن أفرغ مابداخله من ألم على والدته ، عاد له الضابط فقال له أمامك بابين أما أن تخرج من هنا انت وعائلتك أو تدخل من الباب الذي سيصل بك الى ساحة الإعدام أيهما تختار ! 



لم يجيب ناصر ، كرر الضباط ما قال ، ولم يجب ناصر ، الى أن بكى مرة أخرى بحرقه وقال :- 



ناصر: أرجوك أنا بسوي كل اللي تباه بس خلوا أمي في حالها 

خلوها تروح البيت 

الضابط : تروح البيت شوه تسوي بروحها هناك !! 

ناصر : ليش !!! 

الضابط: ابوك واختك وأخوك كلهم هنيه !! تروح امك البيت شوه تسوي !!

ناصر: ياناااااس حرام عليكم حراااام 

الضابط: المهم شوه تختار !! 

ناصر : الباب اللي يطلع أهليه من هنيه

الضابط : زين ياناصر الباب اللي يطلعك ويطلع اهلك سهل وقدام عينك 

ناصر: مستعد اعبره بس ارجوكم طلعوا امي واهلي من السجن 

الضابط: مبدأين عطني اللي تعرفه عن مؤسسين جمعية اصلاح الصلح ومنظمة الاخوان الاذكياء 

ناصر: ماعرف بس انا اعتبر من المؤسسين رئاسة الجمعيه تسمع بمنح الاعضاء لقب مؤسس اذا استمر معاهم فترة طويلة

الضابط: لا هالمعلومة اعرفها ابغي غيرها

ناصر: مثل شوه بالضبط

الضابط : شوف شوه ممكن تعطيني اياه 

ناصر: ارجوك حدد لي انا متوتر اكلمك وبالي عند هلي 

الضابط: والله عاد كيفك بالك مشغول والا ( خط ثاني) هذا شغلي ولا تقعد تملي علي قراراتك !! حاب تترمس تفضل ماعندك شي لا تضيع وقتي معاك 

ناصر: يااااااااااااخي هذيلا اهلي ( نهض من مكانه ) 

الضابط: اقعد مكانك ولا تعلي صوتك .. اقععععععععد اقولك

ناصر: مابقعد انا بطلع ( يصارخ )

الضابط: ( ضغط زر للمنادة وحضر عنده بعض الاشخاص)

الضابط: شباب قيدوه في الكرسي ( rde ) 

ناصر: ( يصارخ)

المجموعه : اوف اوف والله قوي ( يتمصخرون عليه) هههه هيه ما شاءالله شكله معضل ( بيبين منه الحينه) ههههه مسكوه لي بس 

ناصر: شووووووه تسوون اااااااااايه 



ضل ناصر يصرخ بهمجيه الى ان اجبر على القعود وتم تقييده في المقعد ويعتبر المقعد ار دي اي من الوسائل التي يستخدمها رجال الامن كعقاب وهو عباره عن مقعد بزاوية حاده وظهريه متعرجه وارضيه بخاريه تجبر الجالس على الحراك بستمرار الامر الذي لا يستطيعه بسبب احكام المقابض على فخذيه ويداه ! 



بعد ربع ساعه 



الضابط : ها ناصر شوه ترتيبك الحينه عسى الكرسي عجبك ! ترى فيه لون ابيض ايب لك ؟؟ اذا ماتحب الاسود ؟

ناصر: ( يبكي) ااه ليش تعذبوني هالعذاب كله شوه سويت انا حرام عليكم

الضابط: اهااا حرام !! واللي تسوونه مش حرام 

ناصر: شوه انزين سوينا شووه ضرينا الدولة فيه

الضابط: لين الحين ماضريتوا الدولة !! سبحانك يارب

الضابط: عموما شي عندك تقوله قبل لا اطلع يوعان بروح اتغدا !!

ناصر: ارجوك حدد لي شوه اللي تبغونه بالضبط

الضابط: ابغي رؤوس الشر

ناصر: من هم ؟

الضابط: امثال الصعود من اللي وراهم !! 

الضابط: الاموال من وين تصرف ؟ 

ناصر: عندنا صندوق رئيسي لجمع الاموال في تركيا

الضابط: جميل ومنوه مسؤول عن الصندوق وادارته !!

ناصر: شركة ادوية تابعه لنا 

الضابط: جميل وكيف تتم ادارة الاموال !! 

ناصر: عن طريق اشخاص عندنا في فرنسا هم يقررون الميزانية العامه لكل سنه

الضابط: على ضوء شوه يتم تحديد الميزانية !!

ناصر: ماعرف

الضابط : ومنوه اللي يعرف !! ناصر بإمانة انته حاب تتعاون !! والا حاب تتمصخر 



في هذه الاثناء قمت بالاتصال بالعميد شخصياَ وشرحت له الوضع وعدم استطاعتي الصمود اكثر واود حضور جلسة التحقيق فقام بالاستفسار عن وضع ناصر وهذا ماورد

 

1. ابدا استعداده للتعاون
2. غير متعاون بشكل مطلع
3. يملك معلومات خطيره يحاول المراوغه دونها
4. الوضع النفسي سيء جدا ومازال يظن بان والدته ووالده في الحبس وهذه كانت نقطة مؤثره جدا
5. نسمح للضابط عمر بحضور الجلسه

عاود الاتصال بي العميد وشرح لي الوضع ولم احتمل اكثر, من ذلك فتوجهت الى المقر , وقبل الدخول غرفة التحقيقات طلبت من الله ان يسهل امري ويهون مصيبتنا جميعا







الضابط: خذنا وقت طويل انا وانته شوه رايك تخليني اروح اريح ! 

ناصر: انا تعبان من امس ما نمت اريد اشوف اهلي ارجوك ارجوك 

الضابط: اممم انا بيب لك عمر اخوك وقعدوا مع بعض !

ناصر: وين عمرر؟ هاته 





في هذه الاثناء قمت بالدخول وتوجهت الى ناصر كدت اقبله على راسه ثم تذكرت ( اليمين) عندما اللتحقت في هذا العمل فانا اقسمت بان اصون واحفظ ارضي وعرضي واطيع مرؤسي 



فوقفت دونه 



انا: السلام عليك ناصر .. شوه هذا اللي سويته

ناصر: عمرر امي بخير؟ ابوي بخير؟

انا: لا طبعا كلنا هب بخير كيف بنشوف الخير يا ناصر وانته تتعامل مع مخربين وارهابين ولصوص ضد الدولة

الضابط: عمر ماله داعي لهذا الكلام اخوك متعاون ويحب وطنه .. صح يا ناصر !!

انا: ناصر انا بقولك كل شيء بصراحه .. بس قبل لا اتكلم بطلب منهم يحررون القيود وتقعد على عدالي وهذا مخالف للقوانين لكن بخالف القانون عشانك 





جلس ناصر بجواري وحالته مزريه جدا, وقصصت عليه الوقاىع وبرزت له هويتي فنصدم ! وبعد مد وجزر دام اكثر من ساعتين حول الخطأ والصواب طلب مني ان يجلس بمفرده قليلا ويرتاح وقبل هذا ان اخرج والدتي ووالدي من الحبس فوافقت ووعدته بالذالك وهو لا يعلم ان والدتي ووالدي في المنزل ينتظرونه وليس في الحبس !! 



جلسنا جميعنا انا و4 ضابط والعقيد وبعض علماء النفس الذي يتابعون الاقوال ان كانت صادقه او كاذبه وبعض الاجهزة التي من خلالها نستطيع كشف حرارة الوجه عند الكذب الا ان ناصر اذهلنا بتعاونه معنا دون الحاجه لكشف الكذب !! 



كانت هناك صورة مبروزه لاقوال القائد والمعلم والمؤسس رحمه الله الشيخ زايد بن سلطان ال نهيان , وهو يقول ( الشباب هم المستقبل) واقوال اخرى مأثوره وانا ارى ناصر بعد ان استغرت حالته يقرا بعض الايات القرانية ويطلب من الله الرحمه .. فقاطعته :-



انا: ها ناصر تقرأ كلام المغفور له باذن الله الشيخ زايد !

ناصر: لا كنت اقرأ قران 

انا: اهااا

ناصر: ( يشوف الاقوال والصورة)

انا: الله يرحمه

الجميع: الله يرحمه ويغفر له

ناصر: الله يرحمه على ايامه كنا مرتاحين

الجميع: ( يضحكون)

انا: ليش والحينه هب مرتاحين يا ناصر؟ شوه قاصر علينا !!

الضابط: ناصر صدقك كنا مرتاحين من هالجماعات اللي استغلت الحريه والديمقراطيه اللي وفرها الشيخ خليفه للشعب 

ناصر: لالا ماقصد الاهانة والله بس اقصد انه محد يفكر في قلب نظام او تغير او اصلاح دستوري 

انا: بالضبط .. والحينه ياناصر نبى نحل هالمشكله 

ناصر: انا مقتنع تماما انه فيه بعض الاشياء مالها داعي وفيه بعض الاشياء تحتاج لاصلاح 

الضابط: طيب اللي مالها داعي هذي نحن بنستأصلها واللي تبغي اصلاح بنتركها لولاة الامر ! شوه رايك

ناصر: ولاة الامر مايسموعنا ولا يصلحون شيء

الضابط: هالكلام ماحب اسمعه اطلاقها وانا هب قاعد معاك عشان اناقشك شوه الصح والغلط ! ولاة الامر عندهم علم بكل شيء ويعرفون الصح من الغلط 

ناصر: انزين انا شوه اقدر اسوي 

الضابط : نكمل النقطة اللي وفقنا عندها !! 

الضابط: منوه اللي يقر الميزانية العامه وعلى اي ضوء !! 

ناصر: ماعرف بس فيه حد يعرف 

انا: منوه هالحد ووين موجود ! 

ناصر: في جمهورية مصر العربية 

انا: جميل منوه ؟ شوه اسمه 

ناصر: مهندسه اسمها ت.س.س 

انا: زين كم قيمة الميزانية ! السنوية ؟

الضابط: ( يتصل تلفون) 

ناصر: مابين 3 الى 4 مليار دولار يتم تخصصيها كرواتب واعانات وتأسيس جمعيات ومنظمات حول العالم العربي

العقيد: للضابط ( خذ الاجراء بخصوص ت .س .س )

الضابط: نص ساعة ان شاءالله الحينه قاعد اتكلم وعدوني على نص ساعه

انا: ناصر من وين الموارد ! 

ناصر: شركات ومؤسسات ومصانع تعمل لصالح المنظمه 

العقيد: فيه شخص اسمه كريمان تحوم الشكوك حوله شوه تعرف عنه !

ناصر: ماعرفه 

العقيد : اذا راويناك صورتك معاه في فرنسا بتعرفه يا ناصر !

ناصر: كريمان؟؟ ماعرف هالاسم وين الصورة؟

العقيد: ( يفتح الملف ويعرض الصورة) 

ناصر: هذا الدكتور عربي حزيني !

العقيد: لانه فارسي سما عمره عربي ! ولانه سعيد بتدمير عقولكم سما عمره حزيني !! لابارك الله فيه

ناصر: لالا هذا هب فارسي هذا تركي اصله !

جميعنا: ههههههههه ( نضحك)

العقيد: هذا شوه دوره في المنظمه !

ناصر: مستشار تقريبا وانسان طيب في حاله

العقيد: عندي معلومات اكيده انه منسق ارتباط بينكم وبين مكتب استخباراتي في طهران ! يعمل بواسطة مكتب اخر في امريكا تحت اسم شركة نصف الارض !

ناصر: هذي شركتنا اعرفها !! 

العقيد ( يشرح لناصر بعض الاشياء التي يجهلها بالفعل ناصر )

ناصر: ثار غاضب 

انا: شفت يناصر شفت ياخوي !! 

ناصر: حسبي الله عليهم