مدونــة السـياف الادبية

وْرب الكون اللي تسعى له مــحاجيج
وتْلبّي في  مروة  الاسـلام  حـْـجّاجه
أنْ مْحمّـــد ابِنْ  زايــــد  بلّــة  الـريج
ومْصكّــك اللّي  معْيي  غيـره  عْـلاجه
بو خالد ماكِـتف ذْراعـه حـزّة  الضيج
حــوّل على  المـــارد و وقــف  هْــياجه
عِقْـــبه لي ضاري عـلى مــكره  يْـهيج
صكّ التـــراب  وْخفّف  ضجة  إزعاجه
ما ســوّى مثل  غيره   لشعبه  مْـــزيج
حدٍّ م الافغان وْحدْ من ساحل العـاجه
كم واحــدٍ نوى السـيـاسه رجع غـريج
فـي سيــاسة  بحـر والامواج  لـجّاجه
الّا مِحمّد شقّ فــي ذا  البحر  طـريج
لين طـــوّع المـــوج  والحكمه  سْــياجه
دفّ الشــعب إلــى منصّــات الـتتويج
والعـز والفــخر  والاول  لبـــسه وْتاجه
ما حكم شعبه غصب بْصوت  وكرابيج
ماغير ظـهور عدوانه  تْــعرف  كِرْباجه
وْإحــنا حزامه لا شبّ  عدوانه  حريج
نوقف على  لزم  الطلب له ف الْـحاجه
ما نرتضي  لشيوخنا غثٍّ  أو ضجيج
وْلا عاش  من هـو  عقد  لْهم  حجاجه

#السياف